សមត្ថកិច្ចស្ទូចយករថយន្តទំនើប១គ្រឿងទៅរក្សាទុកដែលម្ចាស់ទុកចោល
ថ្ងៃចេញផ្សាយៈ December 19, 2020
ព្រះសីហនុ៖កាលពីយប់ថ្ងៃទី១៧ខែធ្នូឆ្នាំ២០២០មន្ត្រីក្រុងព្រះសីហនុបានឱ្យដឹងថាៈសមត្ថកិច្ចបានស្ទូចរថយន្តទំនើប១គ្រឿងយកទៅរក្សាទុកនៅសាលាក្រុងជាបណ្តោះអាសន្ន។រថយន្តនេះដែលម្ចាស់ចតទុកចោលប៉ុន្មានថ្ងៃមកហើយនៅស្ថានីយ៍ប្រេងឥន្ធនៈPTTអូរបីក្នុងសង្កាត់៤ក្រុងព្រះសីហនុ។
មន្ត្រីក្រុងព្រះសីហនុបានបន្តថាៈការចុះស្ទូចរថយន្តទំនើប១គ្រឿងនេះយកទៅរក្សាទុកនៅសាលាក្រុងបន្ទាប់ពីម្ចាស់ស្ថានីយ៍ប្រេងឥន្ធនៈព្យាយាមទំនាក់ទំនងទៅម្ចាស់រថយន្តឱ្យមកយករថយន្តចេញពីស្ថានីយ៍ប្រេង។ប៉ុន្តែមិនឃើញម្ចាស់រថយន្តមកយកទើបម្ចាស់ស្ថានីយ៍ប្រេងរាយការណ៍មកអាជ្ញាធរក្រុងព្រះសីហនុដើម្បីសម្រួលស្ទូចយកទៅរក្សាទុកជាបណ្តោះអាសន្ននៅសាលាក្រុង ដើម្បីរក្សាសុវត្ថិភាព៕
